曼聯細盤遜得過

2019-11-07 09:36:05 来源:网络

進攻乏力蘇B冇符
周五凌晨歐霸L組賽事,小組榜首曼聯主場再鬥柏迪遜。「紅魔」進攻乏力未見改善,嚟到歐霸表現更保守,面對前場質素都唔算出色嘅柏迪遜,球迷想睇多幾球入波都難,中位數2.5球細盤值博。

(MyTV Gold 303、Now 643、有線616及656台周五凌晨4時直播)

今季發揮一直欠缺穩定性嘅曼聯,上場英超面對般尼茅夫,前線已擺出拉舒福特同安東尼馬迪爾一對最強攻擊組合,都冇辦法攻陷對手,仲因為後防疏忽,結果輸0比1痛失3分。領隊蘇斯克查亦冇晒計,又表示買人唔係最佳解決方法,現階段只會盡量利用手上嘅人腳爭取成績。

其實曼聯喺歐霸嘅對手相對較弱,後防壓力冇咁大,今季分組賽3戰2勝1和兼冇失波。只可惜進攻依然冇乜說服力,兩場勝仗都係煲「魚生粥」,包括上場作客憑12碼小勝柏迪遜。再者曼聯近5次主場比賽,全開2球或以下,今晚就算主場出擊,睇怕都難搵大勝良方。

柏迪遜質素麻麻寧泊大巴
嚟自塞爾維亞嘅柏迪遜陣中雖有前曼聯球員蘇蘭托錫同日本國腳淺野拓磨壓陣,不過由上仗表現所見,佢哋對「紅魔」防線造成嘅威脅有限,攻擊質素認真麻麻,作客更唔預佢哋會攻,佢哋個小將柏路域仲公開承認呢場波只求1分,所以一定會踢得穩穩陣陣,中位數2.5球細盤咪走寶。

外围买球app